සටහන – රුවන් නෙළුගොල්ල
හොරණ, බොරලුගොඩ කර්මාන්ත පුරයෙහි ඊයේ (පෙබරවාරි 13) පස්වරුවේ හටගත් ගින්න රාත්‍රිය වෙනතුරුත් දැල්වෙමින් පැවතිණි.
මෙම ගින්න හටගෙන තිබුණේ කුරුඳු ආශ්‍රිත සුවඳ විලවුන් නිෂ්පාදනය කරන කර්මාන්ත ශාලාවක ය.
ගින්න නිවීම සඳහා ගිනිනිවන කණ්ඩායම් 10ක් යොදවා තිබුණු අතර කළුතර, කොළඹ සහ ගම්පහ ප්‍රදේශවලින් ද ගිනිනිවන රථ බොරලුගොඩ කර්මාන්ත පුරයට කැඳවා තිබිණි.
ඊට අමතරව යුද හමුදාව, ගුවන් හමුදාව, පොලිස් විශේෂ කාර්ය බළකාය හා පොලීසිය ඇතුළුව ප්‍රදේශවාසී ජනතාව ද ගිනිනිවීමේ කටයුතු සඳහා එක්ව සිටියහ.
ගින්නෙන් කිසිදු ජීවිත හානියක් වාර්තා වී නොතිබුණු අතර ගිනිනිවීම සඳහා පැමිණි එක් ගිනිනිවන භටයකු අනපේක්ෂිත අනතුරක් හේතුවෙන් සුළු තුවාල ලබා රෝහල්ගත කර ඇත.
ගින්නට හේතුව මෙතෙක් අනාවරණය වී නොමැති බව සඳහන්.
