රෂිකා හෙන්නායක පෙබරවාරි 23, කොළඹ (LNW):
පොලීසියට ලද තොරතුරකට අනුව කළ පරීක්ෂාවකදී, බණ්ඩාරවෙලදී බස් රථයක් තුළ තිබී ජීව උණ්ඩ 123 ක් පොලිස් භාරයට ගෙන තිබේ.
ඒ අනුව, කොළඹ සිට බදුල්ල බලා ධාවනය වෙමින් පැවති බස් රථයක, ගමන් මලු රඳවනය තුළ තිබූ බෑගයක, කුඩා යකඩ පෙට්ටියක් තුළ දමා තිබියදී උණ්ඩ තොගය සොයා ගත් බව වාර්තා වේ.
පොලීසිය සඳහන් කළේ, පිස්තෝල පතොරම් 113 ක් සහ T 56 පතොරම් 9 ක් ඒ තුළ තිබූ බවය. ඒ අනුව සැකකරු අත්අඩංගුවට ගැනීමට වැඩිදුර විමර්ශන ක්‍රියාත්මක බව පැවසේ.
