සටහන – නිශ්මං රණසිංහ
පෙබරවාරි 23,(LNW)කොළඹ :
එක්දින තරග තුනකට සහ විස්සයි විස්ස තරග තුනකට සහභාගි වීම සඳහා ශ්‍රී ලංකා කාන්තා ක්‍රිකට් කණ්ඩායම දිවයිනෙන් පිටත්ව ගියා.පිටත්ව යාමට පෙර ශ්‍රී ලංකා ක්‍රිකට් ආයතනයේදී ඔවුන් වෙනුවෙන් සර්ව ආගමික නායකයන්ගේ සහභාගීත්වය ඇතුළු ආශිර්වාද කිරීමේ වැඩ සටහනක් ද සංවිධානය වී තිබුණා.
අලුත්ම මුහුණු තුනක් ජාතික කණ්ඩායම සමඟ මේ තරග සංචාරයට සහභාගි වීමට නියමිතව තිබෙනවා.මොවුන් ගේ දක්ෂතාවයන් ජාතික කණ්ඩායමට යොදා ගැනීමට පෙර නවසීලන්ත තණතීරු සහ දේශගුණික තත්ත්වයන්වලදී ඔවුන්ගේ දස්කම් කෙසේද යන්න සළකා බැලීමට පුහුණු තරග දෙකක් තරගාවලිය ආරම්භයට පෙර පැවත්වීමට නියමිතව තිබෙනවා.
