සටහන – රුවන් නෙළුගොල්ල
කොටහේන ප්රදේශයේදී පුද්ගලයකු ඝාතනය කිරීම සම්බන්ධයෙන් අත් අඩංගුවට ගෙන සිටි සැකකරුවන් දෙදෙනා ආයුධ පෙන්වීමට ගෙනයාමේදී පොලිස් වෙඩි පහරින් ඝාතනය වීම සම්බන්ධයෙන් පොලිස්පතිවරයාගෙන් වාර්තාවක් කැඳවා ඇති බව මහජන ආරක්ෂක අමාත්ය ආනන්ද විජේපාල පවසයි.
ප්රශ්නය – පොලිස් අත් අඩංගුවේ සිටි සැකකරුවන් දෙදෙනෙකු ආයුධ පෙන්වන්න ගිහිල්ලා මියගිහිල්ලා තියෙනවා ?
“කොටහේන සිද්ධිය සම්බන්ධයෙන් අධිකරණයට කරුණු වාර්තා කරනවා. ඒ වගේම පොලිස්පතිතුමාට ඒ සම්බන්ධයෙන් වාර්තාවක් ලබාදෙන්න කියලාත් අපි කියලා තිබෙනවා”
ප්රශ්නය – ඒ කියන්නෙ හෑන්ඩ් කෆ් නැතිවද මේ සැකකරුවන් තවමත් අරන් යන්නෙ ?
“නෑ, නෑ … හෑන්ඩ් කප් දාගෙන අරන් ගිහින් තියෙන්නෙ. හෑන්ඩ් කප් දෙදෙනාටම එක හෑන්ඩ් කප් එකක් දාගෙන අරන් ගිහින් තියෙනවා”
ආනන්ද විජේපාල ඇමතිවරයා මේ බව පැවසුවේ ගම්පහ, කෑරගල පොලිස් මුරපොල නව පොලිස් ස්ථානයක් වශයෙන් ඉදිකර විවෘත කිරීමේ උත්සවයට ඊයේ (පෙබරවාරි 26) එක්වීමෙන් අනතුරුව මාධ්ය වෙත අදහස් දක්වමිනි.
