අදානි සමාගමට ලබාදී තිබුණු සුළං විදුලි ව්‍යාපෘතියේ ගැටලුව ඇතුළු සිදුවීම් කිහිපයක් හේතුවෙන් ඉන්දියාව ජාතික ජන බලවේගයේ ආණ්ඩුව සමග යම් හිත් නොහොඳ තත්වයකින් පසුවන බවට පසුගිය මාස දෙකක පමණ කාලය තුළ විවිධ පුවත් පළවී තිබිණි.
කෙසේවෙතත් මේ වනවිට ඒ තත්වය සම්පූර්ණයෙන්ම පහව ගොස් ඇති බව දේශපාලන ආරංචිමාර්ග පවසයි.
ඒ අනුව, අප්‍රේල් මාසය මුලදී ඉන්දීය අග්‍රාමාත්‍ය නරේන්ද්‍ර මෝදි මහතා මෙරටට පැමිණෙන්නේ දැනට එකඟ වී ඇති ඉන්දීය ව්‍යාපෘති සියල්ලම ඉදිරියට ගෙන යාමට අවශ්‍ය කටයුතු ද සිදුකර දීම සඳහා බවයි ආරංචිමාර්ග වැඩිදුරටත් සඳහන් කළේ.
