කොළඹ LNW:තැපැල් වෘත්තිය සමිති එළැඹෙන 18 වැනි දින වර්ජනයකට එළැඹීමට තීරණය කර තිබේ.
සේවක බඳවා ගැනීම්, පත් කිරීම්, උසස් කිරීම් සහ වැටුප් වර්ධක ගැටළු ඇතුළු තැපැල් සේවයේ පවතින දිගුකාලීන ගැටළු විසඳීමට බලධාරීන් අපොහොසත් වී ඇති බැවින් සියලු තැපැල් සංගම් එක්ව එම වැඩ වර්ජනය සිදු කරන බවයි තැපැල් හා විදුලි සංදේශ සංගමයේ ලේකම් මංජුල ජයසුන්ද මහතා පවසන්නේ.
පවතින ගැටළු සම්බන්ධයෙන් තැපැල්පතිවරයා සමග ද සාකච්ඡා කළනමුත් එහිදී හෝ කිසිදු සාධනීය පියරක් නොලැබීම නිසා මෙම වෘත්තිය ක්‍රියාමාර්ගය ගැනීමට තීරණය කළ බව ඔහු තවදුරටත් ප්‍රකාශ කරයි.
