වෛද්‍යවරියක දූෂණය කිරීමේ සිද්ධියකට අදාළව අනුරාධපුර ශික්ෂණ රෝහලේ වෛද්‍යවරුන් වර්ජනයක!

රෂිකා හෙන්නායක මාර්තු 11, කොළඹ (LNW):

අනුරාධපුරය ශික්ෂණ රෝහලේ වෛද්‍යවරුන් විසින් වර්ජනයක් ආරම්භ කර ඇති බව වාර්තා වේ. ඒ එම රෝහලේ වෛද්‍යවරියක දූෂණය කිරීමේ සිද්ධියකට විරෝධය දක්වමිනි.

අදාළ සිද්ධියට සම්බන්ධ සැකකරු වහාම අත්අඩංගුවට ගන්නා ලෙස විරෝධයේ නිරත වෛද්‍යවරුන් පෙන්වා දෙයි.

ඊයේ (10) සවස, මෙම 32 හැවිරිදි වෛද්‍යවරිය තමන්ගේ රාජකාරී කටයුතු නිමවී වෛද්‍යවරුන් සඳහා රජයෙන් ලබාදී තිබෙන තම නේවාසිකාගාරයට ගොස් ඇති අතර, ඉන්පසු සවස 6:30ත් 7ත් අතර කිසියම් නාඳුනන පුද්ගලයෙකු පැමිණ පිහියක් පෙන්වා ඇයව බිය ගන්වා දූෂණය කර ඇති බව වාර්තා වේ.

අනුරාධපුර  පොලීසිය මෙම සිද්ධිය සම්බන්ධයෙන් වැඩිදුර විමර්ශන සිදුකරන බව වාර්තා වේ.