සටහන – රුවන් නෙළුගොල්ල
ජාතික ජන බලවේගයට ජනතාව බලය ලබාදුන්නේ වෙනසක් ඇති කිරීම සඳහා බවත් ඒ වෙනස ඇතිකිරීමට නම් පළාත් පාලන ආයතනවල බලයත් ජාජබට ලැබිය යුතු බවත් එම පක්ෂයේ කොළඹ නගරාධිපති ධුර අපේක්ෂිකාව වන ව්රායි කැලී බල්තසාර් මහත්මිය පවසයි.
“සහෝදර සහෝදරියො ඡන්දෙ දුන්නෙ ඇයි ? අපට ඒ වරම දුන්නෙ ඇයි ? 159 දෙනෙක් පාර්ලිමේන්තුවට යැව්වෙ ඇයි ? අනුර සහෝදරයා ජනාධිපති ධුරයට යැව්වෙ ඇයි ? යැව්වෙ ඇත්තටම වෙනසක් ඇති කරන්න. එතකොට ඒ වෙනස ඇති කරන්න නම් ජාතික තලයේ විතරක් නෙවෙයි සහෝදරවරුනි, අපට බිම් මට්ටමෙත් ඒ වෙනස ඇති කරන්න සිද්ධ වෙනවා. එතකොට ඒක ඇති කරන්න නම් අපිට බලය තියෙන්න ඕනෙ කොහෙද ? අපට බලය තියෙන්න ඕනෙ බිමේ, අපට බලය තියෙන්න ඕනෙ නගරසභාවේ”
ව්රායි කැලී බල්තසාර් මහත්මිය මේ බව පැවසුවේ පසුගියදා උතුරු කොළඹ,, ලුණුපොකුණ කොට්ඨාසයේ පැවති ජාතික ජන බලවේගයේ උත්සවයක් අමතමිනි.
