මෙරට විදේශ ද්‍රවශීලීතා සංචිත ඩොලර් මිලියන 50 ක් වත් නොමැති බව මුදල් අමාත්‍ය අලි සබ්‍රි මහතා පැවසුවේය.
ඒ මහතා මේ බව පැවසුවේ අද (04) දින පාර්ලිමේන්තුවේ විශේෂ ප්‍රකාශයක් සිදුකරමිනි.
රජයේ බදු ආදායම් සියයට 8.7 ක සීමාවේ පවතින බව ද මුදල් අමාත්‍යවරයා සැල කළේය.
ශ්‍රී ලංකාව ජාත්‍යන්තර මූල්‍ය අරමුදලේ සහාය ලබා ගත යුතුව තිබුණේ මීට බොහෝ කලකට පෙර බව ද සඳහන් කළ ඒ මහතා, එම අරමුදලේ වැඩසටහනට ඇතුල් වීමට අවම වශයෙන් මාස හයක පමණ කාලයක් වත් යනු ඇති බව ද අනාවරණය කළේය.
මේ අතර, 2022 වර්ෂය සඳහා වූ අයවැය තවදුරටත් ප්‍රායෝගික නොවන බව ද හෙතෙම අවධාරණය කළේය.
ඒ අනුව, නව අයවැය යෝජනාවක් ඉදිරිපත් කිරීමට රජය අපේක්ෂා කරන බව ද අලි සබ්‍රි මුදල් අමාත්‍යවරයා වැඩිදුරටත් සඳහන් කළේය.
MIAP
