රෂිකා හෙන්නායක මාර්තු 21, කොළඹ (LNW):
අප්‍රේල් මස 03 වනදා දක්වා රක්‍ෂිත බන්ධනාගාරගත කෙරුණු සේවය අත්හිටුවා සිටින පොලිස්පති දේශබන්දු තෙන්නකෝන් මහතා ඊයේ රාත්‍රියේ දුම්බර බන්ධනාගාරය වෙත රැගෙන විත් තිබෙන බව වාර්තා වේ.
ඊයේ රාත්‍රි 11 පමණ වන විට ඔහු එම බන්ධනාගාරය වෙත රැගෙන විත් තිබෙන්නේ , මාතර මහේස්ත්‍රාත් අධිකරණයේ සිට විශේෂ ආරක්‍ෂාවක් යටතේ බව සඳහන් වේ.
බන්ධනාගාර ආරංචිමාර්ග සඳහන් කළේ, දුම්බර බන්ධනාගාරයේ මහල් දෙකකින් යුත් ගොඩනැගිල්ලක උඩුමහලේ වෙනම සිර මැදිරියක දේශබන්දු තෙන්නකෝන් මහතා රඳවා ඇති බවයි .
තව දුරටත් බන්ධනාගාර ආරංචිමාර්ග අනාවරණ කළේ ,එම උඩුමහලේ සිරමැදිරිය තුළ 08 දෙනෙකු පමණ රැඳවිය හැකි අතර, මේ වන විට එහි රඳවා සිටින්නේ ඔහු පමණක් බවයි.
