කොළඹ LNW:හිටපු අමාත්ය මර්වින් සිල්වා මහතා අප්රේල් 09 වන දින දක්වා යළි රක්ෂිත බන්ධනාගාරගත කිරීමට මහර මහෙස්ත්රාත් අධිකරණය නියෝග කර තිබේ.
කිරිබත්ගොඩ ප්රදේශයේ රජයට අයත් ඉඩමක් ව්යාජ ඔස්පු සකස් කර විකිණීමේ සිද්ධියකට අදාළව අපරාධ පරීක්ෂණ දෙපාර්තමේන්තුව විසින් හිටපු අමාත්යවරයා සහ තවත් පුද්ගලයින් දෙදෙනෙකු අත්අඩංගුවට ගනු ලැබීය.
ඒ අනුව මර්වින් සිල්වා හිටපු අමාත්යවරයා ඇතුළු සැකකරුවන් අද (03) මහර මහෙස්ත්රාත් අධිකරණයට ඉදිරිපත් කිරීමෙන් අනතුරුව තවදුරටත් රක්ෂිත බන්ධනාගාර ගත කිරීමට නියෝග කර ඇත.
මෙම කූට ලේඛන සැකසීමට හිටපු රාජ්ය අමාත්ය ප්රසන්න රණවිර ඇතුළු තිදෙනෙක්ද චෝදනා ලබා සිටින අතර ඔවුන් තවදුරටත් සැඟවී සිටීම නිසා ඔවුන්ගේ දේපොළ රාජසන්තක කරන ලෙසට ද අපරාධ පරීක්ෂණ දෙපාර්තමේන්තුව අධිකරණයෙන් ඉල්ලීමක් කර තිබේ.
එහි තීන්දුව ද අප්රේල් මස 9 වනදා ලබාදීමට නියමිතයි.
ආශිකා බ්රාහ්මණ
