ඖෂධ හිඟය හේතුවෙන් දේශීය වෛද්‍ය ප්‍රතිකාර තුළින් ජනතාවගේ සෞඛ්‍ය තත්ත්වය නංවාලීමට ගත හැකි කඩිනම් ක්‍රියාමාර්ග පිළිබඳ විමසා බැලීමේ විද්වත් හමුවක් පෙරේදා (03) නාවින්න දේශීය වෛද්‍ය ක්‍රම පිළිබඳ ජාතික ආයතනයේ දී පැවැත්වී තිබේ.
ඒ දේශීය වෛද්‍ය රාජ්‍ය අමාත්‍ය නීතීඥ සිසිර ජයකොඩි මහතාගේ ප්‍රධානත්වයෙනි.
එහිදී, පවතින ඖෂධ හිඟය හමුවේ දේශීය වෛද්‍ය ප්‍රතිකාර තුළින් සාර්ථක පිළියම් සහිත රෝග සඳහා ජනතාව නැඹුරු කරලීමත්, ඉපැරණි අත්බෙහෙත් ඇතුළු ප්‍රතිකාරයන් තුළින් ජනතාව නිරෝගී කරලීමත්, විශේෂිත රෝග සඳහා සුවිශේෂී හැකියාවක් දක්වන දේශීය වෛද්‍යවරුන් වෙත ජනතාව සමීප කරලීම තුළින් ඉදිරියේ දී ජන ජීවිතය සුරක්ෂිත කරලීමත් සඳහා ගත හැකි ක්‍රියාමාර්ග පිළිබඳව තීන්දු තීරණ රැසකට එළඹ ඇති බව සඳහන්.
මේ සම්බන්ධයෙන් රජයේ ප්‍රවෘත්ති දෙපාර්තමේන්තුව පළ කළ නිවේදනය පහතින් දැක්වේ.
රටේ ජනතාවට අනාගතයේදී සිදුවනු ඇත්තේ කුමක්ද යන්න සම්බන්ධයෙන් මෙය මනා පණිවිඩයක් වනු ඇත. පසුගිය කොවිඩ් වසංගත සමයේදී ද මෙම ඇමතිවරයා “ධම්මික පැණිය” ඇතුළු විවිධ දේශීය ඖෂධ ප්‍රවර්ධනය කිරීමට උත්සාහ කළ අතර අවසානයෙහි ඒවා කිසිදු විද්‍යාත්මක පදනමකින් තොර බව ඔප්පු විය.
RN
