මේ දිනවල පැවැත්වෙන දළදා ප්‍රදර්ශනය හේතුවෙන් දිවයින පුරා සිව්දිගින් ලක්ෂ ගණනාවක ජනතාවක් මහනුවර නගරයට පැමිණෙමින් සිටින අතර එයින් දළදා ප්‍රදර්ශනය සඳහා බැතිමතුන් රැස්වන මාර්ගවල අධික තදබදයක් නිර්මාණය වී තිබේ.
මාර්ගවල වේගයෙන් කසල එකතු වෙමින් පවතින අතර නගර සභා සේවකයින් සහ කසල ඉවත් කිරීමට ස්වේච්ඡාවෙන් එක්ව සිටින පිරිස්වලට පවා එම කසල තොග ඉවත් කිරීමට ගැටලුකාරී වී ඇත.
ඊයේ දිනයේ මහනුවරට ඇදහැළුණු වර්ෂාවත් සමග තත්වය තවත් නරක අතට හැරී තිබිණි.
දැනටමත් බැතිමතුන් ලක්ෂ දෙකහමාරකට අධික පිරිසක් දළදා වන්දනාව සඳහා පෝලිම්වල සිටින හෙයින් අද (24) සහ හෙට (25) යන දෙදින තුළ දළදා වන්දනාව සඳහා මහනුවර නොපැමිණෙන ලෙස පොලීසිය මහජනතාවගෙන් ඉල්ලීමක් ද කරන ලදී.
පහත වීඩියෝවෙන් දැක්වෙන්නේ ඊයේ (23) රාත්‍රියේ මහනුවර නගරයේ වීදි කිහිපයක පැවති තත්වයයි.
අම්පිටිය රතු බෝක්කුව අසල ඊයේ රාත්‍රිය වනවිට රැස්ව සිටි අතිවිශාල ජනකාය පහතින් දැක්වේ.
අද අළුයම 03.30 වනවිට අම්පිටිය ප්‍රදේශයේ පැවති තත්වය සම්බන්ධයෙන් තරුණයෙකු තැබූ ෆේස්බුක් සටහනක් පහතින් දැක්වේ.
