කොළඹ LNW:මාලිමා ආණ්ඩුව සම්බන්ධයෙන් ජනතා අපේක්ෂාව නැති වී නොමැති බව පළාත් පාලන මැතිවරණයේ ප්‍රතිඵලයෙන් පෙන්නුම් කර තිබෙන අතර වෙනත් කණ්ඩායම්වලට තවදුරටත් බලය නොදිය යුතුයි යන පණිවිඩය මැතිවරණ ප්‍රතිඵලයේ පෙනෙන්නට තිබෙන බව පෙරටුගාමී සමාජවාදී පක්ෂයේ නායක කුමාර් ගුණරත්නම් මහතා පවසයි.
ප්‍රතිඵලය විද්‍යාත්මක ලෙස විශ්ලේෂණය කිරීමේදී එය පැහැදිලි වන බවයි ගුණරත්නම් මහතා සඳහන් කරන්නේ.
මැතිවරණය ප්‍රතිඵලයට අනුව දේශපාලන සදාචාරය පැත්තෙන් ගත්තද බහුතරයක් පළාත් පාලන ආයතනවල සභාපතිවරු නම් කර සභා පිහිටුවීමේ දේශපාලන සදාචාරමය අයිතිය ජාතික ජන බලවේගයට ඇති බවද ඔහු අවධාරණය කරයි.
ආණ්ඩුව ගෙවුණු මාස පහක පමණ කාලය තුළ ගත් ක්‍රියාමාර්ග තුළ යම් අප්‍රසාදයක් එල්ල වීම ගැන රතු එළියක් ජනතාව විසින් ලබා දී තිබුණද ඒ හරහා පහුගිය මැතිවරණ වලදී ජනතාව විසින් පරාජය කරන ලද බලවේග වලට සුවිශේෂී වරමක් දී තිබෙන බවක් මැතිවරණ ප්‍රතිඵලයෙන් ප්‍රකාශ නොවන බවයි ගුණරත්නම් මහතා තවදුරටත් සඳහන් කළේ.
ආශිකා බ්‍රාහ්මණ
