*
Saturday, May 24, 2025
spot_img

Latest Posts

බැසිල් පුටුවෙන් වැටිලා බෙල්ල උළුක් වෙලා ලු

අයථා ලෙස උපයන ලද රුපියල් ලක්ෂ 500ක මුදලක් යොදවා මාතර බ්‍රවුන්ස් හිල් ප්‍රදේශයේ අක්කර එකහමාරක ඉඩමක් මිලදී ගැනීම සම්බන්ධයෙන් හිටපු අමාත්‍ය බැසිල් රාජපක්ෂ මහතා ඇතුළු සිව්දෙනෙකුට එරෙහිව ගොනුකර ඇති නඩුව ඊයේ (23) මාතර මහේස්ත්‍රාත් අධිකරණයේදී කැඳවූ අතර බැසිල් රාජපක්ෂ මහතා සහ ඔහුගේ බිරිඳගේ සහෝදරිය වන අයෝමා ගලප්පත්ති අධිකරණය හමුවේ පෙනී සිටියේ නැත.

ඒ අනුව පැමිණිල්ල වෙනුවෙන් පෙනී සිටි නියෝජ්‍ය සොලිසිටර් ජනරාල්වරිය අධිකරණයෙන් ඉල්ලා සිටියේ බැසිල් රාජපක්ෂට විදේශගත වීම සඳහා අධිකරණය අවසර ලබාදී ඇත්තේ 2024 සැප්තැම්බර් 18 වනදා සිට 2025 මැයි 23 දක්වා පමණක් බැවින් ඔහුගේ ඇප අවලංගු කර, ඔහුව අත් අඩංගුවට ගැනීම සඳහා වරෙන්තු නිකුත් කරන ලෙසයි.

එහිදී බැසිල් රාජපක්ෂ වෙනුවෙන් පෙනී සිටි නීතීඥවරයා පැවසුවේ තම සේවාදායකයා ඇමරිකාවේ සිටියදී පුටුවකින් ඇද වැටීම හේතුවෙන් ගෙල සහ ස්නායු ආශ්‍රිත ආබාධ මතුවී ඇති බවයි.

“ස්වාමිනි, මගේ සේවාදායකයා මැයි 18 සහ 19 යළි මෙරටට එන්න ගුවන් ටිකට් පත් වෙන් කරලයි තිබුණේ. නමුත් අමෙරිකාවේ සිටින ඔහු පුටුවකින් ඇඳ වැටිලා අනතුරකට ලක්වෙලා ගෙල සහ ස්නායු ආශ්‍රිතව ආබාධ මතුවෙලා. මාස 06ක් ගුවන් ගමන්වල යෙදෙන්න එපා කියලා අමෙරිකාවේ වෛද්‍යවරු නිර්දේශ කරලා තියෙනවා”

ඊට ප්‍රතිචාර දක්වමින් නියෝජ්‍ය සොලිසිටර් ජනරාල්වරිය සඳහන් කළේ “ස්වාමිනි, මේ X Ray වාර්තා බලපුවාම බෙල්ලේ උලුක්කුවක්, වැරදි ඉරියව්වක් නිසා මාංශ පේෂිවල සුළු ඇදීමක් පිළිබඳ විතරයි සටහන් වෙන්නේ. එසේම එය සතියකින් දෙකකින් සුවවෙන බවට වෛද්‍යවරු පවසා තිබෙනවා. වෛද්‍ය වාර්තා නිකුත් වී ඇත්තේ 2025 මාර්තු 18. ඔය කියන විදිහට මාස 06ක් ගුවන් ගමන්වලින් වලකින්න කියලා වෛද්‍ය නිර්දේශයක් තිබුණානම් ඇයි මැයි 18, 19 ගුවන් ටිකට්පත් වෙන් කළේ. එම නිසා ස්වාමිනි මෙම වෛද්‍ය වාර්තා පිළිනොගෙන සැකකරුගේ ඇප අවලංගු කරන ලෙස මා ඉල්ලා සිටිනවා.” යනුවෙනි.

එහිදී බැසිල්ගේ නීතීඥවරයා පැවසුවේ අදාළ වෛද්‍ය වාර්තා අසත්‍ය ඒවා නොවන බවත් තම සේවා දායකයා මීළඟ නඩු වාරයේදී අධිකරණයේ පෙනී සිටිනු ඇති බවත් ය.

දෙපාර්ශ්වයේ කරුණු සලකා බැලූ මාතර මහේස්ත්‍රාත් අරුණ බුද්ධදාස මහතා “මේ නඩුව දීර්ඝ කාලයක් තිස්සේ අධිකරණයේ සලකා බැලෙන නඩුවක්. එකී කාලය පුරාවටම සැකකරු අධිකරණයේ පෙනී සිට තිබෙනවා. ඒ නිසා ඇප අවලංගු කිරීමක් හෝ වරෙන්තු නිකුත් කිරීමක් කරන්නේ නැහැ. ඒ අනුව ඉදිරි නඩු දිනයේ අධිකරණයේ පෙනීසිටින ලෙස සැකකාර බැසිල් රාජපක්ෂට නියෝග කරනවා” යැයි නියම කළේය.

නඩුව නොවැම්බර් 21 වනදා යළි කැඳවීමට නියම කෙරිණි.

Latest Posts

spot_img

දේශපා

Don't Miss

eskişehir escort sakarya escort sakarya escort bayan eskişehir escort bayan