කොළඹ LNW:ශ්‍රී ලංකා නිදහස් පක්ෂයේ මහ ලේකම් හිටපු අමාත්‍ය දුමින්ද දිසානායක මහතා ලබන 05 වැනිදා දක්වා යළි රක්ෂිත බන්ධනාගාර ගතකිරීමට ගල්කිස්ස මහෙස්ත්‍රාත් අධිකරණය නියෝග කර තිබේ.
හැව්ලොක් සිටි සුපිරි නිවාස සංකීර්ණයෙන් හමුවූ රන් ආලේපිත T 56 වර්ගයේ ගිනිඅවියේ හිමිකාරීත්වය සම්බන්ධයෙන් සිදුකරන විමර්ශනවලට අදාළව අමාත්‍ය දුමින්ද දිසානායක මහතා අත්අඩංගුවට ගැනුණු අතර පසුව ඔහු අධිකරණයට ඉදිරිපත් කරන ලදුව අද දිනය දක්වා රක්ෂිත බන්ධනාගාර ගත කරන ලදී.
අනතුරුව අයහපත් සෞඛ්‍ය තත්ත්වය මත අධිකරණයේ දැනුම් දීම මත ඔහුව බන්ධනාගාර රෝහල වෙත යව තිබුණු අතර අනතුරුව විශේෂඥ වෛද්‍ය පරීක්ෂාවකින් පසුව නැවත බන්ධනාගර ගත කර තිබුණි.
ආශිකා බ්‍රාහ්මණ
