සටහන: සශිකලා මධුෂාණි
ජුනි 15; ලෝකය(අවුට්බවුන්ඩ් ටුඩේ): එක්සත් ජනපද ජනාධිපති ඩොනල්ඩ් ට්‍රම්ප් විසින් සිය 79වන උපන්දිනය දී තිබු ඊයේ(14)දිනයේදී එක්සත් ජනපද හමුදාවේ 250 වන සංවත්සරය සනිටුහන් කරමින්, දශක ගණනාවකට පසු වොෂින්ටන් ඩීසී හි හමුදාවේ විශාලතම පෙළපාළිය පවත්වා තිබේ.
පෙළපාළියට අතිඋත්කර්ෂවත්ව සොල්දාදුවන් 7,000 කට ආසන්න සංඛ්‍යාවක් සම්බන්ධ කරගනිමින් පවත්වා තිබු අතර අගනුවර පැවති පෙළපාළිය නැරඹීමට දහස් ගණනක් සහභාගී වී සිටියහ.
මිට සමගාමිව ජනාධිපති ට්‍රම්ප්ගේ පාලනයට විරෝධය පල කරමින් විරෝධී කණ්ඩායම් රට පුරා පෙළපාලි සංවිධානය කර තිබු අතර ලොස් ඇන්ජලීස් සිට බොස්ටන් දක්වා පැවති “No Kings” විරෝධතා ජනාධිපතිවරයා නැවත තේරී පත් වූ දා සිට ඔහුට එරෙහිව පැවති විශාලතම විරෝධතා විය.
