ජ.වි.පෙ.ට යථාර්ථය සම්මුඛ වීම ….

මාලිමාව බලය සඳහා හෝ වෙන දෙයක් සඳහා හෝ බාහිර සියළු පක්ෂ සමඟ එකතුවෙන එක හෝ හවුල් හදන එක මම දකින්නෙ හොඳ තත්වයක් විදියට..

ඇත්තෙන්ම ගත් කල ඔවුන් මෙතෙක් සිටි ‘අපි විතරක් පිරිසිදුයි, අදූෂිතයි – අනික් හැමෝම දූශිතයි’ යන නාසිස්මික ස්වෝත්තමවාදය අයත්වෙන්නෙ අප්‍රායෝගික කල්ට් එකකට.. ඒවගේම ඒක නිර්ප්‍රජාතන්ත්‍රවාදීයි, භයානකයි..

ඒවගේම දූෂණය නාස්තිය කියන ප්‍රපංච වැඩෙන්නෙ බලය කියන සන්දර්භය ඇතුලේ.. බලය හෝ නාස්ති කරන්නවත් ධනයක් නැති අවකාශයක් ඇතුලේ ස්වභාවිකවම සියල්ල පිරිසිදුයි.

බලය සම්මුඛ වීමත් සමඟ ඒ අය තමා තුලම තිබූ වාමවාදී සහ දූපත්වාදී කල්ට් වේගයෙන් දියකරගනිමින් ස්වබාවිකකරනය නැත්නම් සිස්ටමයිස් වෙමින් පවතිනවා.. දැන් ඒ අය තමාගේම පොසිලකරණය වූ පැරණි මතවාද ඇතුලෙන්ම පුපුරුවා හරිමින් ඉන්නවා..

ලැබුන බලයේ රැඳීසිටීම වස් ඔවුන්ගේම පැරණි සමාජවාදී හෘද සාක්ෂීන්ට ඔවුන්ම පයින් ගසමින් හොර රහසේම ඔවුන්, ඔවුන් විසින්ම පෙර වෛරකල දකුණේ දර්ශනය වැළඳ ගනිමින් ඉන්නවා..

මේක ජ.වි.පෙ.ට වගේම ලංකාවේ මිනිස්සුන්ටත් අනිවාර්යයෙන්ම පසුකළ යුතු සහ ඉගෙනගත යුතුව පවතින දේශපාලන පාඩමක්.. කල්ට්වලින්, වාම සුරංගනා කතාවලින් යථාර්ථය ජයගන්ට බෑ කියන පාඩම..

~ ප්‍රියශාන්ත රාජපක්ෂ