කොළඹ LNW:පසුගිය පාලන කාලය තුළ හොරකම විමධ්‍යගත ඇති අතර දැන් ඒවාට නීතිය ක්‍රියාත්මක වන හෙයින් පවුල් පිටින් නොව කල්ලි පිටින්ම සිරගත වීමට සිදුවනු ඇති බව වැවිලි සහ ප්‍රජා යටිතල පහසුකම් අමාත්‍ය සමන්ත විද්‍යාරත්න මහතා පවසයි.
වංචා,දුෂණවලට අදාළ දැනට තිබෙන ෆයිල් සියල්ල මේ වන විට විමර්ශන සඳහා අදාළ අංශ වෙත භාර දී ඇති බවත් එම කටයුතු ක්‍රියාත්මක වෙමින් පවතින බවත් අමාත්‍යවරයා සඳහන් කරයි.
මේ රටේ ණය කන්දට වඩා වංචා දුෂණ කන්ද ලොකු බවයි විද්‍යාරත්න මහතා පවසන්නේ. ආර්ථික අර්බුදය පවා ඇති වීමට එම වංචා,දුෂණ බලපා තිබෙන හෙයින් අධිකරණ ක්‍රියාවලිය හරහා ඉදිරියේදී වරදකරුවන්ට නිසි තීන්දුව ලැබෙනු ඇති බව හෙතෙම තවදුරටත් පෙන්වා දෙයි.
අමාත්‍යවරයා මෙම අදහස් දක්වා සිටියේ ඊයේ (23) පස්වරුවේ කඳුකර දෙමළ ප්‍රජාව (මලයහ ප්‍රජාව) මුහුණ දෙන ගැටලු පිළිබඳ ලයනල් වෙන්ට් ශාලාවේ පැවති ජායාරූප ප්‍රදර්ශනයට නැරඹීමට පැමිණි අවස්ථාවේ මාධ්‍ය වෙත අදහස් දක්වමිනි.
ආශිකා බ්‍රාහ්මණ
