සටහන – රුවන් නෙළුගොල්ල
නැගෙනහිර විශ්වවිද්‍යාලයේ සිසුන් 22කගේ පංති තහනම් කිරීමට විශ්වවිද්‍යාල බලධාරීන් පියවර ගෙන තිබේ.
ඒ, නවක වධය ලබාදීමේ සිද්ධියකට අදාළව ය.
නවක සිසුන් පිරිසකට අමානුෂික ලෙස නවක වධය ලබාදෙන වීඩියොවක් සමාජ මාධ්‍ය ඔස්සේ සංසරණය වී තිබුණු අතර මේ සම්බන්ධයෙන් සිදුකළ මූලික විමර්ශනවලින් අනතුරුව අදාළ සිසුන්ගේ පංති තහනම් කර ඇත.
මෙසේ පන්ති තහනම් කර ඇත්තේ එම විශ්වවිද්‍යාලයේ ඉංජිනේරු පීඨයේ තෙවන වසරේ සහ දෙවන වසරේ සිසුන් 22 දෙනෙකුගේ ය.
මෙම සිද්ධිය සම්බන්ධයෙන් පොලීසිය විසින් ද විමර්ශනයක් ආරම්භ කර ඇති බව සඳහන්.
