මිරිහානේ පිහිටි ජනාධිපති ගෝඨාභය රාජපක්ෂ මහතාගේ නිවස අසල පැවති විරෝධාතාවක් අතරතුර හමුදා බස් රථයකට ගිනිතැබීමේ සිද්ධියට අදාළව අත් අඩංගුවට ගත් සැකකරු මැයි 27 වනදා දක්වා රක්ෂිත බන්ධනාගාරගත කිරීමට අධිකරණය නියෝග කර තිබේ.
පෙරේදා (19) දිනයේදී මෙසේ දැරණියගල ප්‍රදේශයේදී අත් අඩංගුවට ගෙන තිබුණේ විජේරාම ප්‍රදේශයේ මෝටර් රථ අමතර කොටස් ආයතනයක සේවය කරන 42 හැවිරිදි විවාහක පුද්ගලයෙකි.
දැඩි පොලිස් සහ හමුදා රැකවල් ඇති ස්ථානයක මෙම බස් රථය ගිනිතැබීමේ සිදුවීම සිදුවූයේ පසුගිය මාර්තු 31 වනදා වන අතර ඊට සැකකරුවෙකු අත් අඩංගුවට ගැනීමට පොලිසියට දින 49ක කාලයක් ගතවී තිබිණි.
RN
