ශ්‍රී ලංකාවේ ආහාර සුරක්ෂිතතාවය සහ ආහාර අර්බුදය පිළිබඳව මාස දහයකට පමණ පෙර ජාත්‍යන්තර මට්ටමේ සමීක්ෂණයක් සිදු කිරීමට නියමිතව තිබු අතර ඊට ආණ්ඩුව ඉඩ දී නැති බව විපක්ෂ නායක සජිත් ප්‍රේමදාස මහතා පවසයි.
ඒ හේතුවෙන් අද වන විට අපට ආධාර ලබා ගැනීමට නොහැකි තත්වයක් උද්ගතව ඇති බවයි ඒ මහතා සඳහන් කළේ.
එදා ඒ සමීක්ෂණය සිදු කළා නම් ලංකාවේ ආණ්ඩුව විසින් ගනු ලැබූ අන්තනෝමතික තීන්දුවල නිරුවත හෙලිදරව් වන බව ද ඒ මහතා පෙන්වා දුන්නේය.
ඒ අනුව මේ අප මුහුණ දී සිටින්නේ ආණ්ඩුවේ අන්තනෝමතික තීන්දු නිසා හටගත් අර්බුද වලට බව කී විපක්ෂ නායකවරයා ආණ්ඩුව මේ සියල්ලට වගකිවයුතු බව ද කීය.
RN
