සටහන – පුලී
ජූලි 25, කොළඹ (LNW): 2025 වසරේ පෙබරවාරි මාසයේදී රජය දිගු කලක් පැවති වාහන ආනයන තහනම ඉවත් කිරීමෙන් මාස කිහිපයකට පසු ශ්රී ලංකාවේ වාහන වෙළඳපොළ තුළ මනා පරිවර්තනයක් සිදුවෙමින් පවතින අතර, විදුලි වාහන (EV) සහ අලුත්ම චීන මෝටර් රථ දැන් ලොක්කන් සේ වැජබෙන කලක් එළැඹ ඇතැයි දත්ත වලින් පෙන්නුම් කරන කරුණක්ව හමාරය.
ශ්රී ලංකා රේගු දත්තවලින් හෙළි වන අන්දමට, තහනම ලිහිල් කිරීමෙන් පසු වාහන 14,000 කට අධික සංඛ්යාවක් රට තුළට ඇතුළු වී ඇති බවත්, එමඟින් ආසන්න වශයෙන් රුපියල් බිලියන 165 ක බදු ආදායමක් උපයා ඇති බවත් සඳහන් වේ. කෙසේ වෙතත්, එහි මුල් පුරුක හෙබවන්නේ භාවිතා කළ ජපන් වාහන නොව, විදුලි වාහන වන BYD සහ MG වැනි චීන මෝටර් රථ නිෂ්පාදකයින්ගේ වාහන මගිනි.
ටොයොටා ප්රියස් සහ විට්ස් වැනි ජපාන ප්රතිසංස්කරණය කරන ලද වාහන කලක් ශ්රී ලාංකික ගැනුම්කරුවන් අතර ප්රමුඛ තේරීම වූ අතර, බොහෝ මෝටර් රථ අලෙවිකරුවන් පවසන්නේ මේ වනවිට පාරිභෝගික මනාපයන් වේගයෙන් වෙනස් වෙමින් පවතින බවයි.
ශ්රී ලංකා මහ බැංකුව (CBSL) මෑතකදී වාහන මූල්යකරණය සඳහා වන ණය වටිනාකම් අනුපාත සංශෝධනය කළ අතර එය වක්රව විදුලි වාහන වෙළඳපොළට බලපායි. සෘජුවම ඉලක්ක කර නොගත්තද, විදුලි වාහන ගැනුම්කරුවන් දැඩි ණය ගැනීමේ සීමාවන්ට මුහුණ දිය හැකි බව ද අවධාරණය කරයි.
