දණ්ඩ නීති සංග්‍රහයේ 291A වගන්තිය යටතේ, බොදුබල සේනා සංවිධානයේ ලේකම් ගලගොඩඅත්තේ ඥානසාර හිමිට එරෙහිව නඩු පවරන ලෙස නීතිපතිවරයා උපදෙස් ලබා දී තිබෙනවා. ශ්‍රී ලංකා පොලීසියේ අපරාධ වැළැක්වීමේ අංශයේ නිළධාරීන් විසින් ඊයේ (31) කොළඹ කොටුව මහේස්ත්‍රාත් අධිකරණය හමුවේ මේ බව සඳහන් කළේය.
ආගමික හැඟීම්වල හානි සිදුවන ප්‍රකාශ සිදුකර ඇති බවට ඥානසාර හිමිට චෝදනා එල්ල වී ඇති අතර ඒ අනුව ඉදිරියේදී ඒ සම්බන්ධයෙන් අධිකරණය හමුවේ චෝදනා ගොනු කිරීමට නියමිතය.
2014 වසරේ අප්‍රේල් 12 වැනිදා ඥානසාර හිමි මාධ්‍ය හමුවකදී, ඉස්ලාම් දහමේ ශුද්ධ වූ ග්‍රන්ථය වන අල් කුරාණය පිළිබඳව අපහාසාත්මක ප්‍රකාශ සිදුකිරීම සම්බන්ධයෙන් සිදුකළ විමර්ශනයට අදාල උධෘත නීතිපතිවරයා වෙත යොමුකර තිබිණි. අදාල උධෘත විමසා බැලීමෙන් පසුවයි ඥානසාර හිමිට එරෙහිව චෝදනා ගොනු කරන ලෙස නීතිපතිවරයා උපදෙස් ලබා දී තිබෙන්නේ.
UN
