කොළඹ LNW:චීනය අඛණ්ඩව වසර 12 ක් ලොව විශාලතම කාර්මික රොබෝ වෙළඳපොළ බවට පත්ව තිබෙනවා.
2024 දී චීනයේ කාර්මික රොබෝ අලෙවිය ඒකක 302,000 දක්වා ළඟා වූ අතර, චීනයේ රොබෝ පේටන්ට් බලපත්‍ර අයදුම්පත් සංඛ්‍යාව අනුව ලෝකයෙන් තුනෙන් දෙකක් සඳහා දායකවී තිබීමත් විශේෂත්වයක්.
ලොව විශාලතම රොබෝ නිෂ්පාදන රට ලෙස, චීනයේ කාර්මික රොබෝ නිෂ්පාදනය 2015 දී ඒකක 33,000 සිට 2024 දී ඒකක 556,000 දක්වා වැඩි වී ඇති බවයි වාර්තා වන්නේ.
චීනයේ කාර්මික රොබෝවරු රටේ ආර්ථිකයේ ප්‍රධාන කර්මාන්ත 71 ක සහ මධ්‍යම පරිමාණ කර්මාන්ත 236 ක භාවිත කෙරෙනවා. නිෂ්පාදන කර්මාන්තයේ රොබෝ භාවිත අනුපාතය අනුව චීනය ලොව තුන්වන ස්ථානයට පැමිණ තිබෙනවා.
එමෙන්ම ගෝලීය වාණිජ සේවා රොබෝ වෙළඳපොළේ චීනය ප්‍රධාන ස්ථානයකට පැමිණ ඇති අතර එහි වාර්ෂික වර්ධනය 34.3% ක් වනවා.
දිනූෂි ධීරසිංහ
