සටහන – රුවන් නෙළුගොල්ල
මොනරාගල වැලියාය ප්‍රදේශයේදී අද (අගෝස්තු 16) උදෑසන ලංගම බස් රථයක් සහ පෞද්ගලික බස් රථයක් මුහුණට මුහුණ ගැටීමෙන් අනතුරක් සිදුව තිබේ.
දඹගල්ල සිට මොනරාගල බලා ධාවනය වෙමින් තිබූ ලංකා ගමනාගමන මණ්ඩලයට අයත් බස් රථයක් විනෝද චාරිකාවක යමින් තිබූ පෞද්ගලික බස් රථයක මුහුණට මුහුණ ගැටීමෙන් එම අනතුර සිදුවී ඇති බව සඳහන්.
එහිදී ලංගම බස් රථයේ රියදුරා මියගොස් ඇති අතර පුද්ගලයින් 22 දෙනෙකු තුවාල ලබා මොනරාගල රෝහලට ඇතුළත් කර ඇත.
මෙසේ මියගොස් ඇති රියදුරා දඹගල්ල ප්‍රදේශයේ පදිංචි 32 හැවිරිදි අයෙකි.
තුවාල ලැබූවන් අතර කාන්තාවන් 13 දෙනෙක්, පිරිමි පුද්ගලයින් 06 දෙනෙකු සහ කුඩා දරුවන් තිදෙනෙකු ද වෙති.
