ශ්රී ලංකා පොදුජන පෙරමුණේ ජාතික සංවිධායක බැසිල් රාජපක්ෂ මහතා සිය පාර්ලිමේන්තු මන්ත්රී ධුරයෙන් ඉල්ලා අස්වීමට නියමිත බව අපි මීට පෙර පුවතකින් වාර්තා කළෙමු.
ඒ මහතාත් සමග ද්විත්ව පුරවැසිභාවය හිමි තවත් මන්ත්රීවරුන් දෙදෙනෙකු ඉල්ලා අස්වීමට සූදානමින් සිටින බව ආරංචිමාර්ග පවසයි.
21 වැනි ආණ්ඩුක්රම ව්යවස්ථා සංශෝධනයට සමගාමීව මෙය සිදුකෙරෙනු ඇති අතර ඉදිරි දින කිහිපය තුළ මේ සම්බන්ධ අවසන් තීරණය ප්රකාශයට පත්වෙනු ඇති බවයි ආරංචිමාර්ග වැඩිදුරටත් සඳහන් කළේ.
විශේෂයෙන්ම 21 වැනි සංශෝධනයට ඇති එකම බාධාව බැසිල් රාජපක්ෂ මහතා බව පවසමින් විපක්ෂය ගෙනයන ප්රහාරය හමුවේ මෙම ඉල්ලා අස්වීම දේශපාලනික වශයෙන් වඩාත් දියුණු සහ තියුණු ඵලදායී ප්රවේශයක් වනු ඇති බවත් දේශපාලන ක්ෂේත්රය තුළ කතාබහට ලක්ව තිබේ.
RN
සබැඳි පුවත් –
