නිශ්මං රණසිංහ අගෝස්තු 30, කොළඹ LNW:
සිම්බාබවේ හරාරේ ක්‍රීඩා පිටිය කිසිදාක මෙතරම් උණුසුම් නොවන්නට ඇත.එහි සිටි සුළු පිරිසක් වූ ශ්‍රී ලාංකිකයන්ගේ ද ඓතිහාසික ජයග්‍රහණයක් අපේක්ෂා කරන සිම්බාබ්වේ ජාතිකයන්ගේ ද ගැහෙන හදවත්වලින් පිටවන උණුසුම, ආලෝක කදම්භ යට සිටින ක්‍රීඩකයන්ට දැණෙන උණුසුමටත් වඩා වැඩිය.ක්‍රියාත්මක වන්නේ තරගයේ අවසාන පන්දු ඕවරයය.පළමුව පන්දුවට පහර දී ලකුණු 298 ක් ලබා ගත් ශ්‍රී ලංකාවට පිළිතුරු දෙමින් සිම්බාබ්වේ කණ්ඩායම ලකුණු 289 දක්වා සිය ලකුණු පූවරුව ඉහලින් රඳවා ගෙන ඇත.පන්දු 6 දී ජයග්‍රහණයට ලකුණු 10 කි.එය කිසිසේත්ම අපහසු ඉලක්කයක් නොවන්නේ ඒ වන විට ලකුණු 92 ක් ලබා සිකන්දර් රාසා කඩුල්ලේය.නොදැවී ලකුණු 42 ක් ලබා ගෙන සිටින ටෝනි මුනියොන්ගා ය.ඒ වන විට එම දෙදෙනාගේ හයවන කඩුල්ල සඳහා නොබිඳි සබඳතාවය 128 කි.
මේ දත්ත සමඟ සළකා බලන විට මේ තරගය හැම අතින්ම සිම්බාබ්වේ ජය මාවත දෙසට හැරී අවසන්ය.අනපේක්ෂිත යමක් වෙනු ඇතැයි සිත රවට්ටාගන්නට ඇති කරගන්න සිතුවිල්ල හැරෙන්න ශ්‍රී ලංකාවේ ක්‍රීඩා ලෝලීන්ට යහපත් බලාපොරොත්තුවක් නැත.පන්දුව ඩිල්ෂාන් මධුශංක අතය.මේ දක්වා පන්දු ඕවර් 9 ක් යවා ඇති ඔහු ලකුණු 60 ක් දී ඇත.ඒ අනුව බලන කළ පන්දු ඕවරයේ විශාල කර්ජනයක් එල්ල කරන්නට මධුශංකට හැකි වේද යන්නත් සැකයක්ය.
එහෙත් ප්‍රථම පන්දුව සිම්බාබ්වේ ජයග්‍රහණය ගැන විශ්වාසය තබා සිටි පිරිසගේ පපුව දෙදරා යන තරමේ වේගයකින් සහ බරකින් ඩිල්ෂාන් ගේ පන්දුව රාසා ගේ කඩුල්ල සිප ගත්තේය.දැන් පන්දු 5 ට ලකුණු 10 ක් මය.ඊළඟ නිමේෂයේ බ්‍රැඩ් එවන්ස් ගේ උඩ පන්දුව සුරක්ෂිතව මධුශංක ප්‍රනාන්දුගේ දෑත තුළ ය.කඩුලු ත්‍රිත්වය වෙනුවෙන් යවනු ලැබූ පන්දුව රිචඩ් එන්ගරාවාගේ කඩුල්ලේය.ඹධුශංක පන්දු හයකින් ලකුණු 10 ක් වූ ඉලක්කයට පිවීසීමට තිබුණ මාර්ගය ඊට සමීපවීමට සිටි ප්‍රධානම චරිතය වූ සිකන්දර් රාසා ද සමඟ පන්දු තුනකින් තිදෙනෙකුම ඉවත් කර පන්දු තුනකින් ලකුණු හයක් බවට පත් කිරීම නිසා එතෙක් රාසා සමඟ සාර්ථකව සිටි මුනියොන්ගාට පන්දුවට පහර දීම කරා අවස්ථාව ඇහිරිණ.බ්ලෙසින්ග් මුසරිබානි මුහුණ දුන් පළමු පන්දුවට පහර දී එක ලකුණක් ලැබුවේ එම මඟ හැරී තිබූ අවස්ථාව මුනියොන්ගාට උදා කරමින් පන්දු දෙකකින් ලකුණු 9 කරා ළඟා වී ජය ගැනීමට ඉඩ සළසමින්ය.එහෙත් පස්වන පන්දුව පිතිකරුට ලකණුක් ලබා ගැනීමට නොහැකි ආකාරයෙන් යොමු කරන්න මධුශංක සමත් වීමත් සමඟ සිම්බාබ්වේ ජයග්‍රහණය සඳහා වන ඉලක්කය පන්දුවකට ලකුණු 9 ක් විය.තරගයේ අන්තිම පන්දුවට මුනියොන්ාට ලකණක් හිමි වු අතර ජයග්‍රහණය ලකුණු හතකින් ශ්‍රී ලංකාවට හිමි විය.
ශ්‍රී ලංකාවට මේ තරම් විශිෂ්ඨ තරගයක නියැලී ජය ගබන්නට හැකි ලකුණු පූවරුවක් නිර්මාණය කිරීමේදී පැතුම් නිශ්ශංක ලකුණු 76 ක් ද,ජනිත් ලියනගේ නොදැවී ලකුණු 70 ක් ද,කමිඳු මෙණ්ඩිස් 57 ක් ද ලබමින් ශ්‍රී ලංකා ලකුණු පූවරුව ලකුණු 298 දක්වා ඔසවා තැබීමට විශාල ගෞරවයක් හිමි විය යුතුය.ඒ අතරින් හයවන කඩුල්ලට ජනිත් ලියනගේ සහ කමිදු එක්ව ගොඩ නගන ලද ලකුණු 127 ක සබදතාවය මෙන්ම තරගයේ අවසන් භාගයේ දියත් කළ ගිණි කෙළි සංදර්ශණය ද පහසුවෙන් අත හැර දැමිය නොහැකි ජයග්‍රහණයේ සාධකය.
පිළිතුරු ඉණිමේදී අසිත ප්‍රනාන්දු ලකුණු එකක් හෝ ලකුණු පූවරුවට එක්වීමට මත්තෙන් සිම්බාබ්වේ කණ්ඩායමට කඩුලු දෙකක් අහිමි කරන්නට සමත් විය.ඉනික්බිති ඒ ඇඳ වැටීමේ සිට සිම්බාබ්වේ අවසාන මොහොතේදී ජයග්‍රහණය ලැබිය හැකි තරමට ඔසවා තබන්නට මුලීක වූ ක්‍රීඩකයින් දෙපළ වූයේ බෙන් කරන් සහ නායක ශේන් විලියම්ස් ය. (57) තෙවන කඩුල්ල සදහා ලකුණු 118 ක සබදතාවයක් එකතු කළ මේ දෙදෙනා අතරින් කරන්ගේ ලකුණු 70 පැමිණියේ පන්දු 90 න් වූ අතර විලියම්සන්ගේ ලකුණු 57 පන්දු 54 න් ළගා විය.
මේ ශක්තිමත් පදනම මත පිහිටා සිකන්දර් රාසා ක්‍රමයෙන් සිය ප්‍රහාරය රළු අතට හරවමින් මුනියොන්ගාදේ දායකත්වය ඇතුව හයන කඩුල්ල සඳහා ලකුණු ලකුනු 128 ක් එකතු කරමින් සිම්බාබ්වේ ජයග්‍රහණයට අත පොවන මානය දක්වාම රැඟෙන ආ මොහොතේ අවසාන පන්දු ඒවරයේ දී රාසාගෙන් සිම්බාබ්වේ ජය උඳුරා එය නැවත ශ්‍රී ලංකාවට ලබා ගැනීමට ඩිල්ෂාන් මධුශංක දැක් වූ විශිෂ්ඨ දායකත්වය නිසාම විවාදයකින් තොරව ඔහු තරගයේ වීරයා බවට නම් කෙරිණ.
තරගයේ ලකුණු පුවරුව පහතින් දැක් වේ.
https://bit.ly/4p4VIY6
