හිටපු ජනාධිපති රනිල් වික්‍රමසිංහ මහතා සහ ජනාධිපති නීතීඥ රොනල්ඩ් පෙරේරා, ජ්‍යේෂ්ඨ නීතීඥ ගුණරත්න වන්නිනායක, ජ්‍යේෂ්ඨ නීතීඥ සංජීව ඇන්තනි ඇතුළු පිරිසක් ඊයේ (08) දිනයේදී විශේෂ සාකච්ඡාවක් පවත්වා ඇති බව ආරංචිමාර්ග පවසයි.
ඒ, “Free Lawyers” නමින් නීති උපදේශන ලබාදීමේ විශේෂ වැඩසටහනක් සකස් කිරීම සඳහා ය.
වත්මන් ආණ්ඩුව ගෙනයන මර්දනකාරී වැඩපිළිවෙල හමුවේ පීඩාවට පත්වන දේශපාලන ක්‍රියාකාරිකයින්ට අවශ්‍ය නීති උපදෙස් නොමිලේ ලබාදීම සඳහා මෙම විශේෂ වැඩසටහන සකස් කිරීමට නියමිත බවයි ආරංචිමාර්ග සඳහන් කළේ.
එමෙන්ම මෙම සාකච්ඡාව සඳහා තවත් ප්‍රධාන දේශපාලන පක්ෂවල නායකයින් කිහිපදෙනෙකු ද සහභාගී වී ඇති බවත් ආරංචිමාර්ග වැඩිදුරටත් පැවසීය.
