අධිකරණයට අපහාස කිරීමේ සිදුවීම්වලට අදාලව මේ වනවිට ක්‍රියාත්මක නීති සංශෝධනය කිරීමට කැබිනට් අනුමැතිය හිමිව තිබේ. අධිකරණ අමාත්‍ය විජේදාස රාජපක්ෂ මහතා විසින් මෙම කැබිනට් පත්‍රිකාව ඉදිරිපත් කෙරිණි.
ශ්‍රී ලංකාව තුළ අධිකරණයට අපහාස කිරීමේ වරද සම්බන්ධයෙන් පැහැදිලි නිර්වචනයක් නොතිබීම හේතුවෙන් අධිකරණයට අපහාස කිරීමේ සිදුවීම්වලට අදාල නඩු කටයුතු විධිමත්ව සිදුකළ නොහැකි බව අමාත්‍යවරයා සිය කැබිනට් පත්‍රිකාව හරහා පෙන්වා දෙනවා. විශේෂයෙන්ම මෙහිදී යුක්තිය පසිඳලීමේ ක්‍රියාවලියට මැදිහත්වීමේ සීමාවන් සහ අදහස් ප්‍රකාශ කිරීමේ නිදහස යටතේ තිබිය යුතු සීමාවන් නිරවුල් කරගත යුතු බවද අධිකරණ අමාත්‍යවරයා පවසයි.
පසුගිය කාලසීමාව තුළ අධිකරණයට අපහාස කිරීම සම්බන්ධයෙන් ක්‍රියාත්මක වූ නඩු පිළිබඳව සලකා බැලීමේදී දක්නට ලැබුණු අඩුපාඩු සැළකිල්ලට ගනිමින් මේ වනවිටත් නීති කොමිෂන් සභාව මගින් මූලික කෙටුම්පතක් සකස් කර ඇති අතර එම මූලික කෙටුම්පත පදනම්ව නව නීති සකස් කළයුතු බවට ඇමතිවරයා යෝජනා කරයි.
UN
