කොළඹ LNW:චීන ජනාධිපති ෂී ජින්පිං මහතා රුසියානු අග්‍රාමාත්‍ය Mikhail Mishustin මහතා හමු වුණා.
ඒ අද(04) පෙරවරුවේ බෙයිජිංහි මහජන මහා ශාලාවේදී.
මෙම වසරේ සිට කැළඹිලි සහිත බාහිර පරිසරයකට මුහුණ දීමට සිදු වුවද චීන-රුසියා සබඳතා වඩාත් ඉහළ මට්ටමින් මෙන්ම වැඩි ගුණාත්මක බවින් යුතු සංවර්ධනයක් ඉලක්ක කර ගනිමින් ස්ථාවරව ඉදිරියට ගොස් ඇති බව ෂී ජින්පිං මහතා සඳහන් කළා. චීන-රුසියානු සබඳතා මනා ව පවත්වා ගනිමින් නිසි පරිදි තහවුරු කර, යහපත උදෙසා සංවර්ධනය කිරීම, දෙපාර්ශ්වයේ ම උපායමාර්ගික තීරණයක් බව ෂී ජින්පිං මහතා පෙන්වා දුන්නා.
දෙරටේ නායක දෙපළ විසින් ඇති කර ගත් කේන්ද්‍රීය එකඟතාව ක්‍රියාත්මක කරමින් වෙළඳ, විද්‍යා හා තාක්ෂණ, බලශක්ති, කෘෂිකාර්මික සහ ඩිජිටල් ආර්ථික යනාදී ක්ෂේත්‍රවල සහයෝගීතාවන් පුළුල් කරමින් රුසියාව, චීනය සමඟ එක්ව ක්‍රියා කිරීමට කැමැත්තෙන් සිටින බව රුසියානු අග්‍රාමාත්‍ය Mikhail Mishustin මහතා එම අවස්ථාවේදී ප්‍රකාශ කර තිබෙනවා.
දිනූෂි ධීරසිංහ
