නිශ්මං රණසිංහ නොවැම්බර් 22, කොළඹ LNW
සිලෝන් බිස්කට් සමාගමේ අනුග්‍රහය ඇතිව ශ්‍රී ලංකා වොලිබෝල් සම්මේලනය සංවිධානය කරනු ලබන ජාතික ආධුනික වොලිබෝල් තරගාවලියේ තරග ආරම්භ කිරීමට සියළු කටයුතු සූදානම් බව ශ්‍රී ලංකා වොලිබෝල් සම්මේලනය දන්වා සිටිනවා.
මේ අනුව බස්නාහිර පළාත් තරග නොවැම්බර් 23 වන දා ආරම්භ කිරීමට නියමිතව තිබෙනවා.එම තරග පැවත්වෙන්නේ කළුතර දිස්ත්‍රික්කයේ මතුගම ආසනයේ වලගෙදර ප්‍රාදේශීය සභා ක්‍රීඩාංගණයේදී යි.
පළාත් නවයම නියෝජනය කරමින් කණ්ඩායම් 2000 ක් පමණ මෙවර තරගාවලියට එක්ව තිබෙන අතර පළාත් තරගවලින් ජය ගන්නා කණ්ඩායම ජාතික තරගාවලිය කර ගෙන එන්නට සූදානම් කර තිබෙනවා. පිරිමි සහ කාන්තා ලෙස පළාතකින් ජාතික තලයට කණ්ඩායම් දෙකක් පැමිණෙන නිසා ජාතික මට්ටමේ දී කාන්තා සහ පිරිමි යන දෙ‘අංශයෙන්ම කණ්ඩායම් 18 ක් තරග වැදීමට නියමිතව තිබෙනවා.
