ජනාධිපති ගෝඨාභය රාජපක්ෂ මහතා සිය ඉල්ලා අස්වීමේ ලිපිය තමන් සිංගප්පූරුවට ළඟා වූ පසුව ලබාදෙන්නේ යැයි පැවසූ බව කථානායක මහින්ද යාපා අබේවර්ධන මහතා පවසයි.
ඊයේ (13) පස්වරුවේ පැවති පක්ෂ නායක රැස්වීමේදී කථානායකවරයා මේ පිළිබඳව පක්ෂ නායකයින්ට දැනුම් දුන් බවයි පාර්ලිමේන්තු මන්ත්‍රී මනෝ ගනේෂන් මහතා සඳහන් කළේ.
ගෝඨාභය රාජපක්ෂ මහතා ඊයේ අළුයම මාලදිවයින කරා ගොස් තිබුණු නමුත් එහි සිට සිංගප්පූරුව කරා යාමට ඊයේ දිනය තුළ ඒ මහතාට හැකිව තිබුණේ නැත.
අද (14) උදෑසන 7.00 පමණ වනවිට ඒ මහතා සිංගප්පූරුවට ළඟාවනු ඇති බව සඳහන්.
RN
