ජනාධිපති ගෝඨාභය රාජපක්ෂ මහතා සිය ඉල්ලා අස්වීමේ ලිපිය ලබා දෙන්නේ අඟහරු ලෝකයට යාමෙන් පසුවදැයි සමගි ජන බලවේගයේ පාර්ලිමේන්තු මන්ත්‍රී මුජිබර් රහුමාන් මහතා විමසා සිටිනවා.
ඉල්ලා අස්වීමේ ලිපිය ලබාදීම සඳහා ගමනාන්තයට යායුතු යැයි පවසමින් ලෝකය පුරා ගමන් කරමින් සිටින බවත්, ජනාධිපතිවරයා ඉල්ලා අස්වීමේ ලිපිය ලිවීම සඳහා ලෝකයේ එහා කොනට යාමට තරම් ප්‍රමාණවත් කාලයක් ලබාගෙන ඇති බවත් මන්ත්‍රීවරයා සඳහන් කරනවා.
69 ලක්ෂයක් ඡන්දදායකයන්ගේ කැමැත්තෙන් විධායක ජනාධිපති ධුරයට පත් වූ රාජපක්ෂ මහතාට අද ශ්‍රී ලාංකිකයන් සිටින කිසිදු රටකට යාමට නොහැකි තත්වයක් උදා වී ඇති බවද මුජිබර් රහුමාන් මහතා පවසනවා.
අඟහරු ලෝකයට හෝ මන්දාකිණියේ වෙනත් ග්‍රහලෝකයකට හෝ ගමන් කර, රටම බලා සිටින ඉල්ලා අස්වීමේ ලිපිය ඉක්මනින් ලබාදෙන ලෙස මන්ත්‍රීවරයා අවධාරණය කරනවා.
UN
