රෂිකා හෙන්නායක දෙසැම්බර් 04, කොළඹ LNW :
ආපදා තත්ත්වය හේතුවෙන් හානියට පත් නිවාස සහ ඊට අදාළ වන්දි ලබා දීමේ ක්‍රියාවලිය පිළිබඳ සොයා බැලීමේ අරමුණින් නිවාස සංවර්ධන අධිකාරියේ සහ මුදල් අමාත්‍යංශයේ නිලධාරීන් සමග හමුවකට අද (04) පෙරවරුවේ ජනාධිපති කාර්යාලයේදී රැස්විමක් පැවැත්විණි.
ආපදා තත්ත්වයෙන් පූර්ණ සහ අර්ධ හානියට පත් නිවාස හඳුනා ගැනීම නිසි ක්‍රමවේදයකට අනුව සිදු කරන ලෙසත්, වන්දි ලබා දීම සඳහා අවශ්‍ය නිවැරදි දත්ත කාර්යක්ෂමව ලබා ගැනීම සදහා විශේෂ ක්‍රමවේදයක් සකස් කරන ලෙසත් මෙහිදී ජනාධිපතිවරයා නිලධාරීන්ට උපදෙස් දුන් බව වාර්තා වේ.
එමෙන්ම ජනපතිවරයා තවදුරටත් උපදෙස් දී ඇත්තේ , මෙවැනි ව්‍යසනයකට ජනතාව නැවත ලක් නොවන අයුරින් අවදානම් සහිත ප්‍රදේශවල ජීවත් වන ජනතාවට දීර්ඝ කාලීන විසඳුමක් ලබා දීමේ අවශ්‍යතාව පෙන්වා දෙමින් ඒ සඳහා නිවැරදි දත්ත හඳුනා ගන්නා ලෙසයි.
