රෂිකා හෙන්නායක දෙසැම්බර් 08 , කොළඹ LNW :
හෙට (09) දින , ඓතිහාසික රුහුණු කතරගම මහ දේවාලය බස්නායක නිලමේ ධූරයට සුදුස්සෙකු පත් කර ගැනීමේ නිලවරණය මොණරාගල දිස්ත්‍රික් ලේකම් කාර්යාල ශ්‍රවණාගාරයේදී පැවැත්වීමට නියමිතව තිබෙන බව වාර්තා වේ.
ඒ හෙට (09) පෙරවරු 10ට බෞද්ධ කටයුතු කොමසාරිස් කේ.එම්.ජී සේනාරත්නගේ ප්‍රධානත්වයෙන් බව සඳහන් වේ.
හිටපු බස්නායක නිලමේ වන ඩිෂාන් වික්‍රමරත්න ගුණසේකර මහතාගේ නිල කාලය පසුගිය ඔක්තෝබර් 22 වෙනිදායින් අවසන් විය,
මේ වන විට දෙවිනුවර මහා විෂ්ණු දේවාලයේ බස්නායක නිළමේ තිළිණ මධුසංඛ මහතා කතරගම වැඩ බලන බස්නායක නිළමේ සේවයේ සිටින අතර ඔහුද නිළවරණයට ඉදිරිපත් වීමට නියමිතයි.
ඒ අනුව, 13 වැනි බස්නායකවරයා තෝරා පත් කර ගැනීම හෙට (09) සිදු වනු ඇති.
