රෂිකා හෙන්නායක දෙසැම්බර් 19, කොළඹ LNW :
දිට්වා’ සුළි කුණාටුවෙන් සිදුවූ විනාශයෙන් පසුව පවතින අභියෝගවලට මුහුණදීම සඳහා අමෙරිකානු ඩොලර් මිලියන 200ක කඩිනම් මූල්ය පහසුකමක් ලබාදෙන ලෙස ශ්රී ලංකා රජය ජාත්යන්තර මූල්ය අරමුදලෙන් ඉල්ලීමක් සිදුකරනු ලැබීය.
ඒ අනුව, ශ්රී ලංකා රජය කළ ඉල්ලීම සම්බන්ධයෙන් සලකාබැලීමට ජාත්යන්තර මූල්ය අරමුදලේ විධායක මණ්ඩලය අද (19) රැස්වීමට නියමිත බව වාර්තා වේ.
එහිදී අදාළ මුල්ය පහසුකම ලබාදීම සම්බන්ධයෙන් අවසන් එකඟතාවකට පැමිණීමට නියමිත බව වාර්තා වේ.
ඒ අනුව එම අරමුදල විසින් ශ්රී ලංකාවට ලබාදෙන විස්තීර්ණ අරමුදල් ණය පහසුකමට අමතරව මෙම මූල්ය පහසුකම ලබාදීමට නියමිත බව සඳහන් වන අතර, ජාත්යන්තර මූල්ය අරමුදල විසින් ලබාදෙන විස්තීර්ණ අරමුදල් පහසුකමේ 5වන සමාලෝචනය අවසන් කර ඇති අතර, ඊට අනුමැතිය ලබාදීම සඳහා විධායක මණ්ඩලය පසුගිය දෙසැම්බර් මස 15 වනදා රැස්වීමට නියමිතව තිබුණ ද, මෙම කඩිනම් මූල්ය පහසුකම ඉල්ලීම හේතුවෙන් එය කල්දමනු ලැබූ බව සඳහන් වේ.
