නිශ්මං රණසිංහ දෙසැම්බර් 31, කොළඹ LNW
ශ්‍රී ලංකා ක්‍රිකට් ආයතනය, ජාතික පිරිමි කණ්ඩායමේ වේග පන්දු පුහුණුකරු උපදේශක ලෙස ලසිත් මාලිංග පත් කිරිමට තීරණය කර ඇත.2026 දෙසැම්බර් 15 සිට ජනවාරි 25 දක්වා මාසයක කාලයක් සඳහා කෙටි කාලීන පදනමක් මත මෙම පත්වීම ක්‍රියාත්මක වේ.
ICC පිරිමි T20 ලෝක කුසලානය 2026 සඳහා සහභාගිවන ශ්‍රී ලංකා කණ්ඩායම ශක්තිමත්ව ගොඩනැගීමේ කොටසක් ලෙස ශ්‍රී ලංකාවේ ජාතික වේග පන්දු යවන්නන්ගේ සූදානම සහ සංවර්ධනය සඳහා මාලිංගගේ සහය අපේක්ෂාවෙන් මෙම පත් කිරීම සිඳු කර ඇත.
ඉදිරි ලෝක කුසලානය සඳහා ශ්‍රී ලංකාවේ සූදානම ශක්තිමත් කිරීම සඳහා මාලිංගගේ අතිවිශාල ජාත්‍යන්තර අත්දැකීම් සහ විශේෂයෙන් කෙටි පන්දු යැවීම සහ නිලකුණු පන්දු යැවීමේ ප්‍රවීණතාවය උපයෝගී කර ගැනීම ශ්‍රී ලංකා ක්‍රිකට් ආයතනයේ අරමුණ වී තිබේ.
ශ්‍රී ලංකාව සහ ඉන්දියාව සම සත්කාරකත්වය දරන ICC පිරිමි T20 ලෝක කුසලානය 2026 පෙබරවාරි 7 වන දින ආරම්භ වන අතර එහි ආරම්භක තරගය කොළඹ SSC හිදී පැවැත්වීමට නියමිතය.
