හිටපු ජනාධිපති ගෝඨාභය රාජපක්ෂ මහතා අගෝස්තු 11 වනදා යළිත් මෙරටට පැමිණීමට නියමිත බව ආරංචිමාර්ග පවසයි.
දැනට සිංගප්පූරුවේ සිටින ඒ මහතාට එහි රැඳී සිටීමට එරට රජය විසින් අවසර ලබාදී ඇති කාලය අගෝස්තු 11 වනදායින් අවසන් වන අතර, ඒ අනුව ඒ මහතා එදින ආපසු ශ්‍රී ලංකාව බලා පැමිණීමට නියමිත බවයි ආරංචිමාර්ග සඳහන් කළේ.
එසේ පැමිණෙන ඒ මහතා මිරිහානේ පිහිටි සිය පෞද්ගලික නිවසේ පදිංචියට යනු ඇති බවත් වාර්තා විය.
එමෙන්ම, යම් කලක් ගතවීමෙන් පසුව නැවතත් ක්‍රියාකාරී දේශපාලනයට පැමිණෙන්නේද, නැද්ද යන්න පිළිබඳව ඒ මහතා තම සමීපතමයින් සමග සාකච්ඡා කර පසුව තීරණය කරනු ඇති බවත් ආරංචිමාර්ග වැඩිදුරටත් ප්‍රකාශ කළේය.
RN
