ආශිකා බ්‍රාහ්මණ
කොළඹ LNW:පොහොසත් රටක් ලස්සන ජීවිතයක් ගොඩනැගීම වෙනුවෙන් යන ගමනේ පොහොසත් ගමක් ගොඩනැගීම වෙනුවෙන් 2026 වසර සඳහා ප්‍රජා ශක්ති වෙනුවෙන් භාණ්ඩාගාරය රුපියල් මිලියන එක්ලක්ෂ අසූදාහක් වෙන්කර ඇති බව ග්‍රාමීය සංවර්ධන, සමාජ ආරක්ෂා හා ප්‍රජා සවිබල ගැන්වීම් අමාත්‍ය ආචාර්ය උපාලි පන්නිල පවසයි.
එම ප්‍රතිපාදන නිසි ලෙස ගමට වෙත ගලාඑන්නේද යන්න පිළිබඳ විමර්ශනය කිරීමේ බලය ප්‍රජා ශක්ති සභාවෙතට ලබා දී ඇති බවයි අමාත්‍යවරයා සඳහන් කරන්නේ.
2019 බහුමාන දරිද්‍රතා දර්ශකය අනුව මෙරට දිළිදු ජනතාවගෙන් 93%ක් ග්‍රාමීය සහ වතු අංශයේ ජීවත් වෙයි. ඒ අනුව ඔවුන්ගේ ජීවිත ලස්සන කිරීමේ අරමුණින් ප්‍රජ ශක්ති වැඩසටහන ආරම්භ කර තිබෙන අතර එය සාර්ථක කා ගැනීම වෙනුවෙන් ප්‍රජා ශක්ති සභා පිහිටුවා ජනාධිපතිවරයාගේ සිට ජාතික නාකත්වයක් ඇති කර තිබේ.
මෙම වැඩසටහන සමග උපාධිධාරීන් 16351 කටයුතු කරමින් සිටින බවද අමාත්‍යවරයා කියාසිටියි.
