රෂිකා හෙන්නායක මාර්තු 16,ලෝකය (අවුට්බවුන්ඩ් ටුඩේ):
ඇමරිකා එක්සත් ජනපදය සහ ඉරානය අතර පවතින යුදමය තත්ත්වය හමුවේ, ඉරාන පාපන්දු කණ්ඩායම 2026 ලෝක කුසලානයෙන් ඉවත් වන බවට පැතිර යන කටකතා පිළිබඳව විදෙස් මාධ්‍ය වාර්තා කරයි.
කෙසේ වෙතත්, එවැනි නිල දැනුම්දීමක් මෙතෙක් ලැබී නොමැති බවත් ඉරානය තවමත් තරගාවලියට සහභාගී වන බවත් ආසියානු පාපන්දු සම්මේලනය තහවුරු කරයි.
ඉරාන ඉහළ පෙළේ නායකයින් ඉලක්ක කරගත් ගුවන් ප්‍රහාර හේතුවෙන් ක්‍රීඩකයින්ගේ ආරක්ෂාව පිළිබඳ ගැටලු මතු වී ඇති බව වාර්තා වේ.
ඉරානය ඉවත් වුවහොත් ඇතිවිය හැකි තාක්ෂණික අර්බුදය සහ විකල්ප කණ්ඩායමක් තෝරාගැනීමේ හැකියාව පිළිබඳවද මෙහිදී අවධානය යොමු කර ඇත.
පවතින දේශපාලනික අස්ථාවරත්වය මධ්‍යයේ වුවද, තම සාමාජික රටක් ලෙස ඉරානය තරගාවලියට එක්වනු ඇතැයි පාපන්දු බලධාරීන් බලාපොරොත්තු පළ කරති.
