සටහන: සශිකලා මධුෂාණි
අප්රේල් මස 07; ලෝකය(අවුට්බවුන්ඩ් ටුඩේ): 2026 අප්රේල් (03)වන දින නිකුත් කරන ලද 2025 ගැලප්(Gallup) ලෝක මත විමසුමේ ප්රතිඵලවලට අනුව, චීන ජනාධිපති ෂී ජින්පිං ඇමරිකා ජනාධිපති ඩොනල්ඩ් ට්රම්ප්ට වඩා ඉහල ජනප්රියතාවක් අත්කරගෙන ඇති බව වාර්තා වේ.
රටවල් 130 කට අධික සංඛ්යාවක පවත්වන ලද සමීක්ෂණයෙන් හෙළි වූයේ වසර 20 කට ආසන්න කාලයකට පසු පළමු වතාවට චීනයේ නායකත්වය එක්සත් ජනපද නායකත්වයට වඩා ගෝලීය වශයෙන් ජනප්රිය වී ඇති බවත්, එක්සත් ජනපදයට වඩා 31% ට සාපේක්ෂව චීනය 36% ක අනුමැතියක් ලබා ඇති බවත්ය.
රුසියාව, පකිස්ථානය, ටියුනීසියාව සහ සිංගප්පූරුව වැනි රටවලින් චීනය කෙරෙහි ඇති දැඩි උද්යෝගයට සාපේක්ෂව එක්සත් ජනපදය කෙරෙහි ගැඹුරු නිෂේධාත්මක බවක් පිළිබිඹු කර තිබු අතර ඊශ්රායලය, පෝලන්තය, කොසෝවෝ, පිලිපීනය සහ ඇල්බේනියාව ඇතුළු රටවල් එක්සත් ජනපදයට පක්ෂව හා චීනය කෙරෙහි අප්රසාදය දක්වා තිබිණි.
කිසිදු මතයක් ප්රකාශ නොකළ ප්රතිචාර දැක්වූවන්ගේ ප්රතිශතය වසර 20 කට ආසන්න කාලයක් තුළ එහි අවම මට්ටම් කරා ළඟා වූ බව ගැලප් සොයා ගෙන ඇත. ප්රතිචාර දැක්වූවන්ගෙන් සියයට 16 කට චීනය පිළිබඳ කිසිදු අදහසක් නොතිබුණු අතර එක්සත් ජනපදය පිළිබඳ කිසිදු අදහසක් නොමැති බව පැවසූ රටවල් සියයට 13 ක් විය.
2025/2026 ගැලප් වාර්තාවන්ට අනුව, ඇමරිකා එක්සත් ජනපද ජනාධිපති ඩොනල්ඩ් ට්රම්ප් , චීන ජනාධිපති ෂී ජින්පිං සහ රුසියානු ජනාධිපති ව්ලැඩිමීර් පුටින් සාමාන්යයෙන් ඉහළ ජනප්රියතාවක් ඇති ජනාධිපතිවරුන් වේ.
