රෂිකා හෙන්නායක අප්රේල් 21 ,ලෝකය (අවුට්බවුන්ඩ් ටුඩේ):
ජපානය සිය දෙවන ලෝක යුධ සමයෙන් පසු අනුගමනය කළ සාමකාමී ප්රතිපත්තියෙන් බැහැර වෙමින්, මාරක අවි ආයුධ අපනයනය කිරීමේ තහනම ඉවත් කිරීමට තීරණය කර ඇත.
අග්රාමාත්ය සානේ ටකායිචිගේ රජය යටතේ ක්රියාත්මක වන මෙම නව වෙනස මගින් ප්රහාරක ගුවන් යානා සහ යුධ නෞකා වැනි යුධෝපකරණ විදේශ රටවලට විකිණීමට අවස්ථාව සැලසේ.
කලාපීය ආරක්ෂක තර්ජන හමුවේ සිය රටේ සුරක්ෂිතභාවය තහවුරු කරගැනීම සඳහා ජපානය මෙම පියවර ගෙන ඇති අතර, දැනටමත් ඕස්ට්රේලියාව සමඟ විශාල යුධ නෞකා ගිවිසුමකට එළඹ තිබේ.
මෙම නව නීති යටතේ අවි ලබාගත හැක්කේ එක්සත් ජාතීන්ගේ ප්රඥප්තියට ගරු කරන රටවලට පමණක් වන අතර, සක්රීය යුධ ගැටුම් පවතින රටවලට ආයුධ ලබාදීම තවමත් සීමා කර ඇත.
මෙම ඓතිහාසික ප්රතිපත්තිමය වෙනස ජපානය ලෝක ආරක්ෂක වෙළඳපොළ තුළ ප්රබල භූමිකාවක් කරා ගෙන යන බව මින් පැහැදිළි වේ.
