ආශිකා බ්රාහ්මණ
කොළඹ LNW: ගෝලීය මානව හිමිකම් තත්ත්වය සම්බධයෙන් ඇමිනෙස්ටි ඉන්ටර්නැෂනල් නවතම වාර්තාවක් නිකුත් කර තිබේ.
ඊශ්රායලය, රුසියාව සහ එක්සත් ජනපදය ගෝලීය මානව හිමිකම් විනාශ කිරීමට පෙරමුණ ගෙන සිටින බවයි ඇම්නෙස්ටි ඉන්ටර්නැෂනල් පවසන්නේ. උක්ත රටවල් තුනේ නායකයින් ආර්ථික හා දේශපාලන ආධිපත්යය සඳහා අදහස් කරන “කෑදර විලෝපිකයන්” ලෙස ඔවුන් පෙන්වා දෙයි.
“ප්රාථමික රුදුරු බව වර්ධනය විය හැකි ගෝලීය පරිසරයක් බොහෝ කලක සිට නිර්මාණය වෙමින් පවතී,” ඇම්නෙස්ටි ඉන්ටර්නැෂනල්හි ගෝලීය අයිතිවාසිකම් කණ්ඩායමේ ප්රධානී ඇග්නස් කැලමාර්ඩ් ලෝක මානව හිමිකම් තත්ත්වය පිළිබඳ වාර්ෂික වාර්තාව උපුටා දක්වමින් සඳහන් කර තිබේ.
කෙසේ වෙතත්, ගාසා තීරයේ පලස්තීනුවන්ට එරෙහිව ඊශ්රායලය විසින් සිදු කරන ලද ජන සංහාරය සහ ඉරානයට එල්ල කරන ලද එක්සත් ජනපද-ඊශ්රායල ප්රහාර විවේචනය කිරීම සඳහා යුරෝපයේ පිටස්තරයෙකු වන ස්පාඤ්ඤය කටයුතු කිරීම ගැන ඇමිනෙස්ටි ඉන්ටර්නැෂනල් සිය ප්රසාදය පළකර ඇත.
2022 දී අසල්වැසි යුක්රේනයට තම හමුදා යැවූ ඊශ්රායල අගමැති බෙන්ජමින් නෙතන්යාහු, එක්සත් ජනපද ජනාධිපති ඩොනල්ඩ් ට්රම්ප් සහ රුසියාවේ ජනාධිපති ව්ලැඩිමීර් පුටින් ලෝකයට “අතිශයින්ම නාටකාකාර” බලපෑමක් ඇති කර ඇති බවයි ඇග්නස් කැලමාර්ඩ් පෙන්වාදෙන්නේ.
‘ලෝකයේ බොහෝ රටවල මූලික සිවිල් නිදහසට එල්ල වන ප්රහාර ලේඛනගත කරමින්, ලෝකයේ මානව හිමිකම් තත්ත්වය පිළිබඳ ඇම්නෙස්ටි ඉන්ටනැෂනල් විසින් සිදුකරන සමාලෝචනය ලොව අඳුරු පැත්ත ගැන කියවීමක් ලෙස දැක්විය හැකිය.
“ලොව පුරා අධිකාරීවාදී භාවිතයන් තීව්ර වී ඇත”,යනුවෙන් අමිනේෂ්ටි ඉන්ටර්නැෂනල් සිය නවතම වාර්තාව මඟින් තවදුරටත් ප්රකාශ කරයි.
ගාසා තීරයේ ඊශ්රායලයේ ජන සංහාරය, යුක්රේනයේ රුසියාව “මනුෂ්යත්වයට එරෙහි අපරාධ” සහ ඉරානයට එරෙහි එක්සත් ජනපද-ඊශ්රායල යුද්ධය ජාත්යන්තර නීති නොසලකා හැර ඇති ගැටුම් සඳහා උදාහරණ ලෙස ද ඔවුන් දක්වා තිබේ.
ඉරානයට එල්ල කරන ලද එක්සත් ජනපද-ඊශ්රායල් ප්රහාරයෙන් පුද්ගලයින් 3,000 කට වැඩි පිරිසක් මිය ගොස් ඇති අතර ලෙබනනයේ ඊශ්රායල් ප්රහාරවලින් 2,400 කට ආසන්න පිරිසක් මිය ගොස් තිබේ. ගාසා තීරයේ, 2023 ඔක්තෝබර් මාසයේ සිට ඊශ්රායල ප්රහාරවලින් මියගිය බවට තහවුරු වූ සංඛ්යාව 72,500 ඉක්මවා ඇති අතර, විනාශ වූ ප්රදේශය ඊශ්රායල බෝම්බ හෙලීමේ තර්ජනයට නිරන්තරයෙන් ලක්ව ඇත. යුක්රේනයේ, රුසියාවේ පූර්ණ පරිමාණ ආක්රමණය වසර හතරකට පෙර ආරම්භ වූ දා සිට 15,000 කට වැඩි පිරිසක් මිය ගොස් ඇත.
මැද පෙරදිග ගැටුම් යනු “අවනීතියට බැසීමේ ප්රතිඵලයක් වන අතර, යුද්ධ ඇති කිරීම සහ සිවිල් වැසියන් ඝාතනය කිරීම සාමාන්යකරණය කරන ලද ලෝකය පිළිබඳ දැක්මක් ඇතිකරයි.”, කැලමාර්ඩ් පවසන්නේ එපරිද්දෙනි.
“ඊශ්රායලය විසින් මනුෂ්යත්වයේ මූලික ප්රමිතීන් නැවත නැවතත්, නිරන්තරයෙන් උල්ලංඝනය කිරීම සම්බන්ධයෙන් කිසිදු ඵලදායී පියවරක් ගෙන නොමැත.” යනුවෙන්ද ඇය පවසා සිටියි.
කෙසේ වෙතත්, ශුභවාදී තත්ත්වයන් පිළිබඳවද ඇමිනෙස්ටි ඉන්ටර්නැෂනල් සිය පෙළ සකස් කර ඇති ආකාරයද දැක ගත හැකිය.
Z – Gen විරෝධතා; ජාත්යන්තර අධිකරණයේ (ICJ) ඊශ්රායලයේ ජන සංහාරයට එරෙහිව දකුණු අප්රිකාවේ නඩුවට සම්බන්ධ වන රාජ්ය සංඛ්යාව වැඩි වීම,හිටපු පිලිපීන ජනාධිපති රොඩ්රිගෝ ඩුටර්ටේට එරෙහිව ජාත්යන්තර අපරාධ අධිකරණයේ (ICC) මානව වර්ගයාට එරෙහි අපරාධ චෝදනා,යුක්රේනයට එරෙහි ආක්රමණශීලී අපරාධය සඳහා යුරෝපීය කවුන්සිලයේ විශේෂ විනිශ්චය සභාව සහ “ලිංගිකත්වය මත පදනම් වූ හිංසනය” සඳහා තලේබාන් නායකයින් දෙදෙනෙකුට එරෙහිව ICC අත්අඩංගුවට ගැනීමේ වරෙන්තුව වැනි “ප්රතිරෝධයේ” අවස්ථාඑං මඟින් අනාගතයේදී යම් සුබවාදී ප්රවේශයක් ගත හැකි වනු ඇති බවද ඇමිනෙස්ටි ඉන්ටර්නැෂනල් වාර්තා කරයි.
