ශ්‍රමිකයින් බඳවාගැනීම, රැකියා සඳහා යොමුකිරීම සහ නැවත මෙරටට ගෙන්වා ගැනීම සම්බන්ධයෙන් මැලේසියානු රජය සමග ගිවිසුමකට අත්සන් තැබීමට විදේශ රැකියා අමාත්‍ය මනූෂ නානායක්කාර මහතා ඉදිරිපත් කළ යෝජනාවකට කැබිනට් අනුමැතිය හිමිව තිබේ.
මේ සම්බන්ධයෙන් මීට පෙර, 2016 වසරේදී මැලේසියානු රජය සහ ශ්‍රී ලංකා රජය අතර අවබෝධතා ගිවිසුමක් අත්සන් තබා ඇති අතර එහි වලංගු කාලසීමාව 2021 දෙසැම්බර් 15 වනදායින් අවසන්ව ඇත.
ඒ අනුව එම අවබෝධතා ගිවිසුම දීර්ඝ කරමින් නව ගිවිසුමකට අත්සන් තැබීමට කැබිනට් මණ්ඩලය අනුමැතිය ලබාදී තිබේ.
RN
