රෂිකා හෙන්නායක මැයි 24 ,ලෝකය (අවුට්බවුන්ඩ් ටුඩේ):
මොරොක්කෝ රජු විසින් පිරිනමන ලද රාජකීය සමාව යටතේ නිදහස් වූ සෙනගල් පාපන්දු ලෝලීන් පිරිසක් නැවත සිය රට බලා පැමිණීම පිළිබඳව විදෙස් මාධ්‍ය වාර්තා කෙරේ.
පසුගිය අප්‍රිකානු කුසලාන අවසන් මහා තරඟයේදී ඇති වූ ප්‍රචණ්ඩකාරී සිදුවීම් හේතුවෙන් මෙම පිරිස සිරගත කර සිටි අතර, ඔවුන්ව පිළිගැනීමට සෙනගල් ජනාධිපතිවරයා ද ගුවන්තොටුපළට පැමිණ සිටියේය.
තරඟයේ ජයග්‍රහණය සම්බන්ධයෙන් දෙරට අතර තවමත් නීතිමය ආරවුලක් පවතින නමුත්, මෙම මානුෂීය පියවර හරහා දෙරටේ රාජ්‍යතාන්ත්‍රික සබඳතා යථා තත්ත්වයට පත් කිරීමට උත්සාහ කර ඇත.
ක්‍රීඩා පිටියේ ඇති වූ නොසන්සුන්තාවය හේතුවෙන් පනවා තිබූ සිරදඬුවම් ලිහිල් කිරීම මගින් සහෝදරත්වයේ සබඳතා ශක්තිමත් කිරීම මින් අපේක්ෂා කෙරේ.
