රෂිකා හෙන්නායක ජුනි 08 ,ලෝකය (අවුට්බවුන්ඩ් ටුඩේ):
චීන ජනාධිපති ෂී ජින්පින් වසර හතකට පසු ප්‍රථම වතාවට උතුරු කොරියාවේ නිල සංචාරයක නිරත වෙමින් පියොන්යැං නුවරදී උණුසුම් පිළිගැනීමකට ලක්වූ බව විදෙස් මාධ්‍ය වාර්තා කෙරේ.
මෙහිදී ඔහු උතුරු කොරියානු නායක කිම් ජොන් අන් සමඟ ද්විපාර්ශ්වික සාකච්ඡා පවත්වන අතර, දෙරට අතර පවතින සබඳතා නව ඓතිහාසික අදියරකට රැගෙන යාම මෙහි ප්‍රධාන අරමුණයි.
මෑතකදී උතුරු කොරියාව රුසියාව සමඟ සමීප සබඳතා පැවැත්වීම හේතුවෙන්, කලාපය තුළ චීනයේ දේශපාලන බලය යළි තහවුරු කිරීමට මෙම සංචාරය ඉවහල් වනු ඇතැයි විශ්ලේෂකයෝ පවසති.
ආර්ථික ආධාර සහ ඒකාබද්ධ ව්‍යාපෘති මගින් උතුරු කොරියාවට සහයෝගය දක්වමින්, එම රට මත චීනය සතු පාලනය පවත්වා ගැනීම ෂී ජින්පින්ගේ අපේක්ෂාවයි.
ඇමරිකාව සමඟ පවතින උපායමාර්ගික තරඟකාරිත්වය හමුවේ චීනයේ නායකත්වය ප්‍රදර්ශනය කිරීමට ද මෙම රාජ්‍ය සංචාරය ඉතා වැදගත් වේ.
