හිටපු පාර්ලිමේන්තු මන්ත්‍රී විමල් වීරවංශ මහතා විසින් සිවනේසතුරෙයි චන්ද්‍රකාන්තන් හෙවත් පිල්ලෙයාන්ට කොඩියක් පළඳවන ඡායාරූපයක් මේ වනවිට සමාජ මාධ්‍ය ඔස්සේ සංසරණය වෙමින් තිබේ.
පිල්ලෙයාන්ට මේ වනවිට එල්ල වී ඇති බරපතළ චෝදනා අනුව මෙම ඡායාරූපය ආන්දෝලනයට ලක්ව ඇති අතර මේ සම්බන්ධයෙන් විවිධ සංවාදයන් ද මතුව ඇත.
කෙසේවෙතත් අප කළ විමසීමකදී විමල් වීරවංශ මහතා පැවසුවේ මෙම ඡායාරූපය පසුගිය යුධ සමයේදී ආරක්ෂක අංශ විසින් නැගෙනහිර පළාත මුදාගැනීමෙන් අනතුරුව මානෙල් මල් ව්‍යාපාරය විසින් පැවැත්වූ ජාතික කොඩි පැළඳවීමේ උත්සවයකදී ලබාගත් එකක් බවයි.
