සටහන – රුවන් නෙළුගොල්ල
නවගමුව පොලිස් වසමේ වඳුරම්මුල්ල ප්‍රදේශයේදී ඊයේ (16) පස්වරුවේ සිදුවූ වෙඩිතැබීමකින් බරපතළ තුවාල ලැබූ තරුණයෙකු ජීවිතක්ෂයට පත්ව තිබේ.
ඔහු හෝමාගම රෝහලේ ප්‍රතිකාර ලබමින් සිටියදී මියගොස් ඇත.
මෙසේ මියගොස් ඇත්තේ කඩුවෙල, වැලිහිඳ පාර ප්‍රදේශයේ පදිංචි 25 හැවිරිදි තරුණයෙකි.
පිස්තෝල වර්ගයේ ගිනිඅවියකින් මෙම වෙඩිතැබීම සිදුකර ඇති බව සඳහන්.
සිද්ධියට සම්බන්ධ සැකකරුවන් මෙතෙක් හඳුනාගෙන නොමැති අතර නවගමුව පොලීසිය වැඩිදුර විමර්ශන සිදුකරයි.
