සටහන: සශිකලා මධුෂාණි
ජූලි මස 31: ලෝකය(අවුට්බවුන්ඩ් ටුඩේ): යුරෝපයට ඇතුලුවිමේ නවතම ක්රමයක් ලෙස මොරොක්කෝව සහ ස්පාඤ්ඤය අතර පිහිටි ස්පාඤ්ඤයට අයත් සෙවුටා (Ceuta) ප්රදේශය හරහා පසුගිය දින කිහිපය තුළ සංක්රමණිකයන් 2,000-3000කට ආසන්න පිරිසක් නීතිවිරෝධී ලෙස ඇතුළු වී ඇති බව විදෙස් මාධ්ය වාර්තා කරයි.
මෙම පිරිස අතර තරුණයන් මෙන්ම පවුල්ද සිටින අතර, බොහෝ දෙනා වැටවල් තරණය කිරීමෙන් හෝ මුහුදු මාර්ගයෙන් පිහිනා ස්පාඤ්ඤ භූමියට ළඟා වීමට උත්සාහ දරා තිබේ.
ස්පාඤ්ඤ ආරක්ෂක අංශ සහ දේශසීමා බලධාරීන් මේ වන විට සෙවුටා ප්රදේශයේ ආරක්ෂාව දැඩි කර ඇති අතර, තත්ත්වය පාලනය කිරීම සඳහා අමතර නිලධාරීන්ද යොදවා ඇත.
අප්රිකාවේ සිට යුරෝපයට ළඟා වීමට උත්සාහ කරන සංක්රමණිකයන් සඳහා සෙවුටා සහ මෙලිල්ලා (Melilla) ස්පාඤ්ඤයේ වැදගත් පිවිසුම් ස්ථාන දෙකක් ලෙස සැලකෙන අතර, ආර්ථික දුෂ්කරතා, ගැටුම් සහ අස්ථාවරත්වය හේතුවෙන් මෙවැනි සංක්රමණ උත්සාහයන් මෑත කාලයේ නැවතත් ඉහළ ගොස් ඇති බවයි විශ්ලේෂකයන් පෙන්වා දෙන්නේ,
